自做聰明个翻譯--明天自有明天的憂慮

現代英語有一句話講『Sufficient unto the day』，意思是今仔日个艱苦已經真濟，免煩惱到明仔載去。

"Sir, I cannot tell what it will be tomorrow. Sufficient unto the day!"

這句話典出英王欽定版聖經，馬太福音書6章34節：
"Take therefore no thought for the morrow: for the morrow shall take thought for the things of itself. Sufficient unto the day is the evil thereof."

『所以莫得為著明仔日掛慮；因為彼个明仔日，伊欲家己掛慮。一日个艱苦佇一日夠額。』這是巴克禮版个翻譯。

官話和合本按呢翻：
『所以，不要為明天憂慮，因為明天自有明天的憂慮；一天的難處一天當就夠了。』

其中，和合本安呢翻譯是自做聰明：『明天自有明天的憂慮』。

原文个意思是『明仔載欲為伊家己掛慮』。

英王欽定版和巴克禮版攏忠實佇原文，獨獨和合本用媚俗个這句『明天自有明天的憂慮』。變成今仔日佇北仔話定定聽著个一句話：『明天自有明天的憂慮』。

『Sufficient unto the day』是聖經金句，『明天自有明天的憂慮』卻毋是聖經原文个金句，論真講，是和合本家己ê金句，。

和合本創造真濟家己ê金句，以後若有看著，即來解說。